Qax rayonunda iki minik avtomobilinin toqquşması ilə nəticələnən yol-nəqliyyat hadisəsi baş verib.
Hadisə Qax-Zaqatala avtomobil yolunun rayonun Ləkit kəndi ərazisindən keçən hissəsində qeydə alınıb.
Xəbər Mərkəzi Reporta istinadən məlumat verir ki, hərəkətdə olan “Hyundai” və “Niva” markalı avtomobillər toqquşub. Zərbənin təsirindən yol kənarına aşan “Hyundai” markalı avtomobildə olan iki nəfər xəsarət alıb.
Yaralılar Qax Rayon Mərkəzi Xəstəxanasına çatdırılıblar.
Faktla bağlı araşdırma aparılır.
