Bakıda Mirzəağa Əliyev və Abdulla Şaiq küçələrində avtobuslar üçün xüsusi hərəkət zolaqları yaradılır.
AYNA-dan bildirilib ki, zolaqlar metro xətlərinin ayrılması layihəsi çərçivəsində artan sərnişin tələbatının qarşılanması məqsədilə təşkil olunur. Bununla avtobusların daha rahat və maneəsiz hərəkəti, sərnişinlərin isə vaxt itkisi olmadan daşınması hədəflənir.
Hər iki küçədə yol zolaqlarının eni standartlara uyğunlaşdırılıb və avtobuslar üçün əlavə hərəkət zolağı təşkil edilib.
Hazırda ərazilərdə nişanlanma xətləri çəkilir. Müvafiq yol nişanları quraşdırıldıqdan sonra xüsusi zolaqlar qüvvəyə minəcək.
