Baş prokuror Kamran Əliyev Bakı şəhəri Nəsimi Rayon Prokurorluğunun inzibati binasında vətəndaş qəbulu keçirib.
Baş Prokurorluğun məlumatına görə, qəbul zamanı 40 vətəndaşın müraciəti dinlənilib.
Müraciətlər əsasən konkret cinayət işlərinin istintaqı, cinayətlərlə bağlı araşdırmalar zamanı yol verilmiş qanun pozuntuları, eləcə də məhkəmələrdə baxılan cinayət işləri üzrə dövlət ittihamının müdafiəsinə dair məsələləri əhatə edib.
Qaldırılan məsələlərin operativ həlli üçün prokurorluq və aidiyyəti dövlət qurumlarına müvafiq göstərişlər verilib.
