Ermənistan Prezidenti Vaaqn Xaçaturyan Türkiyə ilə sərhədin açılmasının ölkəsinə Aralıq dənizindəki Türkiyə limanlarından istifadə etmək imkanı verəcəyini bildirib.
Onun sözlərinə görə, Ermənistan Türkiyə ilə sərhədlərin açılması və diplomatik münasibətlərin qurulması üçün işləri davam etdirir.
Xaçaturyan qeyd edib ki, Türkiyə ilə sərhəddəki buraxılış məntəqələrində zəruri işlər artıq başa çatıb və onlar fəaliyyətə hazırdır.
O bildirib ki, 2026-cı ilin əvvəlindən Ermənistan-Türkiyə iqtisadi münasibətlərində müsbət dinamika müşahidə olunur. Hazırda Ermənistan nəqliyyat vasitələri Türkiyəyə birbaşa yükdaşımalar həyata keçirə bilir və Türkiyədən idxal olunan mallar artıq birbaşa ticarət kodu ilə rəsmiləşdirilir.
Ermənistan Prezidenti Türkiyə ilə münasibətlərin normallaşdırılmasının ölkə biznesinə də müsbət təsir etdiyini vurğulayıb.
