Nigeriyanın şimal-şərqində yerləşən Borno ştatında hərbi bazaya hücum nəticəsində azı 10 hərbçi ölüb, 20-dən çox insan yaralanıb.
Hərbi mənbələr və yerli sakinlərin məlumatına görə, hücumu “Boko Haram” terror qruplaşmasının silahlılarının törətdiyi ehtimal olunur.
Məlumata əsasən, gecə saatlarında baş verən hücum zamanı hökumət qoşunlarının mövqeləri ələ keçirilib, hərbi texnika məhv edilib. Yaxınlıqdakı Mayrari kəndinin bir hissəsi isə yandırılıb.
Hadisə nəticəsində azı 5 mülki şəxs və 1 meşə mühafizəsi əməkdaşı da həyatını itirib.
Qeyd olunur ki, son həftələrdə “Boko Haram” və “Qərbi Afrikada İslam Dövləti” (ISWAP) daxil olmaqla, islamçı silahlı qruplaşmaların hücumları artıb.
Ötən həftə Nigeriya hərbçiləri Borno ştatındakı mövqelərdən birinə hücumu dəf edərək ISWAP-ın 25-dən çox silahlısını öldürüblər.
