9 illik orta təhsil bazasında orta ixtisas təhsili müəssisələrinin boş qalan plan yerlərinə qəbul elan edilib.
İxtisas seçimi sentyabrın 8-dən 10-dək internet vasitəsilə aparılacaq.
Müsabiqədə iştirak etmək üçün abituriyentin ümumi balı ən azı 50, Azərbaycan və ya rus dili üzrə balı ən azı 20, riyaziyyat üzrə balı isə ən azı 10 olmalıdır.
Xüsusi qabiliyyət tələb edən ixtisaslar üzrə isə ümumi balın 50-dən az olmaması və qabiliyyət imtahanından “məqbul” qiymət alınması tələb olunur.
Abituriyentlər ən çox 12 ixtisas kodu seçə bilərlər. İxtisas seçimi sentyabrın 10-u saat 23:59-da başa çatacaq.
