Nigeriyanın şimal-qərbində təhlükəsizlik qüvvələrinin olduğu nəqliyyat vasitəsinə silahlı hücum nəticəsində azı 8 əməkdaş ölüb.
Hücum barədə yerli özünümüdafiə dəstələrinin nümayəndələri məlumat veriblər.
Ölənlər arasında beş polis əməkdaşı və hakimiyyət tərəfindən dəstəklənən özünümüdafiə birləşməsinin üç döyüşçüsü var. Hücum edənlər pusqu quraraq təhlükəsizlik qüvvələrinin əməkdaşlarının olduğu 15 nəfərlik avtobusu atəşə tutublar.
Polisin açıqlamasına görə, hücumdan sonra yeddi əməkdaşı xilas etmək mümkün olub. Daha iki yaralı tibbi yardım göstərilməsi üçün təxliyə edilib. Hücum edənlər beş ədəd “AK-47” avtomatını ələ keçiriblər.
Polisdəki mənbələr bir neçə əməkdaşın da qaçırıldığını bildiriblər. Hakimiyyət orqanları itkin düşənlərin dəqiq sayını hələ təsdiqləməyib.
