Nigeriyanın Taraba ştatında silahlı şəxslərin kəndə hücumu nəticəsində azı 40 dinc sakin həlak olub.
Premium Times qəzetinin hüquq müdafiə təşkilatlarının nümayəndələrinə istinadən yaydığı məlumata görə, silahlılar Binnari kəndinə qonşu Plato ştatından daxil olublar.
Hücum zamanı əkin sahələri yandırılıb, yaşayış evləri və mağazalar dağıdılıb, yerli sakinlər öldürülüb.
Şahidlərin sözlərinə görə, kəndin bir çox sakini itkin düşdüyündən ölənlərin sayının artacağı ehtimal edilir.
Hazırda axtarış-xilasetmə işləri davam edir.
