İspaniyanın Kanar adalarına daxil olan Lansarote adasının Arrisife şəhərindən təxminən 150 kilometr şimal-şərqdə 140-a yaxın qanunsuz miqrant xilas edilib.
İspaniya mediasının dəniz xilasetmə xidmətinə istinadən yaydığı məlumata görə, miqrantların hamısı eyni qayıqda olublar.
Miqrantların sözlərinə əsasən, qayıqda azı 7 nəfər ölüb. Lakin xilasedicilər yalnız iki nəfərin meyitini aşkarlayıblar. Bildirilib ki, digər ölənlərin meyitləri göyərtədən dənizə atılıb. Onların ölüm səbəbi hələ müəyyən edilməyib.
Qeyd olunub ki, oktyabrın 31-dən noyabrın 1-nə keçən gecə Kanar adalarında ümumilikdə 300 qanunsuz miqrant xilas edilib.
