İspaniyanın Valensiya əyalətində iğtişaşlara və talançılığa təhrik etməkdə şübhəli bilinən 5 nəfər saxlanılıb.
Saxlanılanlardan birinin İspaniyadakı “Blok” hərəkatının nümayəndəsi olduğu bildirilir. Mülki Qvardiya həmin şəxsin tələbə etirazları zamanı qarət və talançılığa yönəlmiş fəaliyyətlərin koordinasiya edildiyi “Telegram” kanalında qruplar yaratdığını və idarə etdiyini iddia edir.
İstintaq çərçivəsində ələ keçirilən yazışmalarda zərgərlik mağazalarının, lüks mallar satan obyektlərin və univermaqların adları çəkilib. Həmçinin bəzi iştirakçıların mağazaları, eləcə də Barselona meriyasının binasını yandırmağı təklif etdikləri bildirilib.
Saxlanılanlar arasında yeniyetmələr də var.
Qeyd edək ki, oktyabrın 17-18-də keçirilən etiraz aksiyaları zamanı baş verən kütləvi iğtişaşlar, dağıntılar və talançılıqla əlaqədar İtaliyanın 20 şəhərində, əsasən də Lombardiya regionunda 150 ünvanda reydlər və axtarışlar aparıldığı barədə də məlumat yayılıb.
