Türkiyənin Ali Hərbi Şurası bu gün Prezident Rəcəb Tayyib Ərdoğanın sədrliyi ilə toplanacaq.
İclasda Türkiyə Silahlı Qüvvələrində təyinatlar, təqaüdə göndərilmələr və xidmət müddətlərinin uzadılması ilə bağlı mühüm qərarların qəbul ediləcəyi gözlənilir. Həmçinin bir sıra hərbi qulluqçuların rütbələrinin artırılması və vəzifələrinin dəyişdirilməsi nəzərdən keçiriləcək.
Ali Hərbi Şura generalların, admiralların və polkovniklərin xidmət müddətləri ilə bağlı dosyeləri də müzakirə edəcək.
Qəbul edilən qərarlar Prezident Rəcəb Tayyib Ərdoğanın təsdiqindən sonra ictimaiyyətə açıqlanacaq.
Bu il keçirilən iclasda ədliyyə naziri Akın Gürlek, daxili işlər naziri Mustafa Çiftçi və Quru Qoşunları Komandanı Metin Tokel ilk dəfə iştirak edəcəklər.
