İndoneziyanın Şərqi Nusa-Tenqara əyalətində 7,7 maqnitudalı zəlzələ nəticəsində ölənlərin sayı 100 nəfərə çatıb.
İndoneziyanın Milli Təbii Fəlakətlərin İdarə Olunması Agentliyinin məlumatına görə, zəlzələ nəticəsində həyatını itirən 100 nəfərin hamısı ağır xəsarətlər alaraq tibb müəssisələrində müalicə olunub. Lakin onların həyatını xilas etmək mümkün olmayıb.
Zəlzələ nəticəsində 1 603 nəfər yaralanıb, 180 327 nəfər isə təxliyə edilərək düşərgələrdə yerləşdirilib.
İyunun 15-də baş vermiş zəlzələdən sonra 6 409 afterşok qeydə alınıb. Onlardan ən güclüsü 6,2 maqnitudalı olub.
