Bakının Xətai rayonunun bəzi ərazilərində içməli suyun verilişində müvəqqəti fasilə yaranacaq.
Azərbaycan Dövlət Su Ehtiyatları Agentliyinin İri Şəhərlərin Birləşmiş Su Təchizatı Xidmətindən verilən məlumata görə, 25 avqust saat 23:00-dan 26 avqust gecə saatlarınadək Xətai rayonunun bəzi ərazilərinə içməli suyun verilməsi məhdudlaşdırılacaq.
Fasilə diametri 200 millimetr olan içməli su xəttinin diametri 600 millimetr olan magistral su borusuna qoşulması işləri ilə əlaqədar yaranacaq.
