Azərbaycanda qeyri-sabit hava şəraiti noyabrın 10-dək davam edəcək. Bu müddətdə ölkə ərazisində fasilələrlə yağış yağacağı gözlənilir.
Milli Hidrometeorologiya Xidmətinin məlumatına görə, Bakıda və Abşeron yarımadasında noyabrın 7-si səhərdən 10-u səhərədək bəzi yerlərdə yağış yağacaq. Yarımadanın ayrı-ayrı ərazilərində yağıntının qısamüddətli intensivləşəcəyi və şimşək çaxacağı ehtimal olunur.
Rayonlarda da qeyri-sabit hava şəraiti davam edəcək. Ayrı-ayrı yerlərdə yağıntının leysan xarakterli və intensiv olacağı, şimşək çaxacağı, dolu düşəcəyi, dağlıq ərazilərdə isə qar yağacağı gözlənilir.
Yağıntılarla əlaqədar çaylarda sululuğun artacağı ehtimal edilir. Böyük Qafqazın və Lənkəran-Astara bölgəsinin bəzi çaylarından qısamüddətli daşqın və sel keçməsi də istisna olunmur.
