Kolumbiyanın cənub-qərbində qanunsuz qızıl mədənində baş verən torpaq uçqunu nəticəsində azı 14 nəfər ölüb, daha 7 nəfər xəsarət alıb.
“Caracol” telekanalının məlumatına görə, bu barədə Narinyu departamentinin sülh və insan hüquqları məsələləri üzrə katibi Aleks Qonsales bildirib.
“Hazırda 14 nəfərin öldüyü məlumdur, daha 7 nəfər yaralanıb. Axtarış-xilasetmə işləri artıq başa çatıb”, – deyə o bildirib.
Əvvəlcə hadisə nəticəsində 9 nəfərin öldüyü açıqlanmışdı.
Qonsalesin sözlərinə görə, faciə Santa-Barbara bələdiyyəsinin ərazisində yerləşən qanunsuz açıq tipli mədəndə baş verib. Torpaq uçqunu zamanı qızıl hasilatı ilə məşğul olan şaxtaçılar dağıntılar altında qalıblar.
