Milli Hidrometeorologiya Xidməti iyulun 27-28-də gözlənilən küləkli hava şəraiti ilə bağlı sarı və narıncı xəbərdarlıq yayıb.
Məlumata görə, Bakı və Abşeron yarımadası, eləcə də Mingəçevir, Ağstafa, Qazax, Tovuz, Gəncə, Daşkəsən, Goranboy, Qobustan, Neftçala, Hacıqabul, Naftalan, Xaçmaz, Qusar və Şabranda narıncı xəbərdarlıq qüvvədə olacaq. Bu ərazilərdə şimal-qərb küləyinin sürəti 20,8-28,4 m/s-dək güclənəcək.
Naxçıvan MR və bir sıra digər rayonlarda isə sarı xəbərdarlıq elan edilib. Həmin ərazilərdə küləyin sürətinin 13,9-20,7 m/s təşkil edəcəyi gözlənilir.
