Bakıda və Abşeron yarımadasında, eləcə də Azərbaycanın bir sıra bölgələrində noyabrın 5-i axşamdan 6-sı səhərədək güclü külək əsəcək.
Milli Hidrometeorologiya Xidməti gözlənilən küləkli hava şəraiti ilə əlaqədar sarı və narıncı xəbərdarlıq elan edib.
Narıncı xəbərdarlığa əsasən, Bakı və Abşeron yarımadasında, həmçinin Neftçala, Salyan, Hacıqabul, Mingəçevir, Naftalan, Goranboy, Daşkəsən və Ağstafada şimal-qərb küləyi əsəcək. Küləyin sürəti saniyədə 20,8-28,4 metrədək güclənəcək.
Sarı xəbərdarlıq isə Kəlbəcər, Laçın, Cəbrayıl, Zəngilan, Quba, Qusar, Xaçmaz, Şabran, Siyəzən, Xızı, Şamaxı, Qobustan, Biləsuvar, Cəlilabad, Lerik, Yardımlı, Qazax, Tovuz, Şəmkir, Gəncə, Samux, Göygöl, Gədəbəy, Şirvan, Yevlax, Tərtər, Ağdam və Bərdə rayonlarını əhatə edir.
Bu ərazilərdə qərb küləyinin sürətinin saniyədə 13,9-20,7 metr olacağı gözlənilir.
