Rusiya Prezidenti Vladimir Putin əmək miqrantlarına dair tələbləri sərtləşdirən qanunları imzalayıb.
Yeni qaydalara əsasən, miqrantlar özlərini və himayələrində olan ailə üzvlərini yaşayış minimumundan aşağı olmayan səviyyədə təmin etdiklərini təsdiqləməlidirlər. Bunun üçün Daxili İşlər Nazirliyinə gəlirlər barədə arayış, vergi bəyannaməsi və ya gəlir vergisinin ödənilməsini təsdiq edən sənədlər təqdim olunacaq.
Qanunla müvəqqəti yaşamaq və yaşayış icazəsinin ləğvi üçün əsaslar da genişləndirilib. Miqrantların uşaqları Rusiyada yalnız valideynlərinin iş icazəsi qüvvədə olduğu və hər biri üçün müvafiq vergi ödənişi edildiyi halda qala biləcəklər. 18 yaşına çatan miqrant övladları isə 30 gün ərzində ölkəni tərk etməli və ya patent almaq üçün müraciət etməlidirlər.
