Tovuz rayonunda baş verən yol-nəqliyyat hadisəsi zamanı dörd nəfər xəsarət alıb.
Xəbər Mərkəzi “Report”a istinadən məlumat verir ki, hadisə rayonun Alakol kəndi ərazisində qeydə alınıb. Hərəkətdə olan “VAZ 2107” markalı minik avtomobilinin sürücüsü idarəetməni itirib. Nəticədə avtomobil yol kənarındakı su kanalına aşıb.
Qəza zamanı xəsarət alan dörd nəfər xəstəxanaya yerləşdirilib. Hadisə yerinə polis əməkdaşları cəlb olunub.
Faktla bağlı araşdırma aparılır.
