Tovuz Rayon Polis Şöbəsinin əməkdaşlarının keçirdiyi əməliyyatlar nəticəsində narkotik vasitələrin qanunsuz dövriyyəsində şübhəli bilinən iki nəfər saxlanılıb.
Daxili İşlər Nazirliyinin məlumatına görə, əvvəllər məhkum olunmuş Yusif İsazadənin əlindəki çantaya baxış zamanı 2 kiloqram marixuana, heroin və metamfetamin aşkarlanıb.
Keçirilən digər əməliyyat tədbiri zamanı isə narkokuryerlikdə şübhəli bilinən Əskər Hüseynov saxlanılıb. Ondan 1 kiloqram marixuana və heroin götürülüb.
Faktlarla bağlı cinayət işi başlanılıb. Saxlanılan şəxslər barəsində məhkəmənin qərarı ilə həbs qətimkan tədbiri seçilib.
