Azərbaycanda iyulun 17-də havanın əksər rayonlarda isti keçəcəyi, bəzi ərazilərdə isə leysan və dolu yağacağı proqnozlaşdırılır.
Milli Hidrometeorologiya Xidmətinin məlumatına görə, Bakıda və Abşeron yarımadasında yağmursuz hava şəraiti müşahidə olunacaq. Mülayim şimal-qərb küləyi əsəcək. Paytaxtda havanın temperaturu gecə 22–25°, gündüz 30–35° isti olacaq.
Rayonlarda da əsasən yağmursuz hava gözlənilsə də, günün ikinci yarısından etibarən bəzi dağlıq və dağətəyi ərazilərdə arabir yağış yağacağı, leysan xarakterli intensiv yağıntının, şimşəyin və dolunun olacağı ehtimal edilir.
Havanın temperaturu rayonlarda gecə 23–27°, gündüz 34–38°, dağlıq ərazilərdə isə gecə 14–18°, gündüz 22–27° isti olacaq.
