Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın ayrı-ayrı ərazilərində yağışın qısamüddətli intensiv olacağı və şimşək çaxacağı ehtimalı var. Səhər yağıntılar tədricən kəsiləcək.
Şimal-qərb küləyi arabir güclənəcək, səhər isə mülayim cənub-şərq küləyi ilə əvəz olunacaq.
Bakıda və Abşeron yarımadasında havanın temperaturu gecə 9-12°, gündüz 13-15° isti olacaq. Atmosfer təzyiqi 762 mm civə sütunundan 765 mm civə sütununa yüksələcək. Nisbi rütubət 65-75 faiz təşkil edəcək.
Azərbaycanın rayonlarında da bəzi yerlərdə arabir yağıntı gözlənilir. Ayrı-ayrı ərazilərdə qısamüddətli intensiv leysan yağacağı, şimşək çaxacağı və dolu düşəcəyi ehtimalı var. Dağlıq ərazilərdə yağıntı qar şəklində olacaq. Gecə saatlarında yağıntılar bir qədər güclənə bilər. Bəzi yerlərdə duman müşahidə olunacaq, qərb küləyi arabir güclənəcək.
Rayonlarda havanın temperaturu gecə 8-13°, gündüz 14-18° isti olacaq. Dağlıq ərazilərdə gecə 1° şaxtadan 3°-dək isti, gündüz isə 4-8° isti olacağı gözlənilir.
