Şəmkirdə baş verən kütləvi qida zəhərlənməsi ilə bağlı araşdırmalar davam edir. Hadisənin baş verdiyi restoranın fəaliyyəti müvəqqəti dayandırılıb.
Azərbaycan Qida Təhlükəsizliyi Agentliyinin (AQTA) məlumatına görə, araşdırmalar zamanı zəhərlənmənin Şəmkir rayonunun Kür qəsəbəsində fəaliyyət göstərən “Narın Qala” restoranında baş verdiyi müəyyən edilib.
AQTA əməkdaşları tərəfindən restorandan qida nümunələri götürülərək laborator müayinəyə göndərilib. Müayinələrin nəticələrindən asılı olaraq qanunvericiliyə uyğun tədbirlər görüləcək.
Bildirilib ki, zəhərlənən şəxslərə tibbi yardım göstərilib, onların vəziyyəti qənaətbəxş qiymətləndirilib və evə buraxılıblar.
Hadisə ilə bağlı araşdırmalar davam etdirilir.
