Futbol üzrə dünya çempionatının (DÇ-2026) yarımfinalında İngiltərəni 2:1 hesabı ilə məğlub edərək finala yüksələn Argentina millisinin futbolçuları matçdan sonra maraqlı hadisənin mərkəzində olublar.
Atlanta şəhərində keçirilən qarşılaşmadan sonra argentinalılar İngiltərə yığmasının qapıçısı Cordan Pikforda məxsus su qabını ələ keçiriblər.
Su qabının üzərində Argentina millisinin futbolçularının mümkün penalti zərbələrini hara vuracaqlarına dair qeydlərin yazıldığı diqqət çəkib. Bu qeydləri görən Argentina futbolçuları qabın ətrafına toplaşaraq maraqla baxıblar.
Qeyd edək ki, Argentina finalda İspaniya ilə üz-üzə gələcək.
