Xankəndidə sentyabrın 11-də növbəti əmək yarmarkası keçiriləcək.
Yarmarka saat 10:00-da Xankəndi Ticarət Mərkəzində təşkil olunacaq.
Tədbirdə dövlət və özəl sektoru təmsil edən 25 müəssisə tərəfindən 200-ə yaxın vakansiya təqdim ediləcək. Mühəndis, həkim, tibb bacısı, mühasib, satıcı-kassir, elektrik, qaynaqçı, aşpaz, dərzi, sürücü, traktorçu-mexanizator və digər peşələr üzrə iş yerləri olacaq.
Vakansiyalar Xankəndi şəhəri, Şuşa, Ağdam, Ağdərə və Xocalı rayonlarını əhatə edir.
Yarmarkada işaxtaranların vakansiyalara uyğun qeydiyyatı aparılacaq. İştirak üçün şəxsiyyət vəsiqəsinin təqdim edilməsi tələb olunur.
