Qarabağın yeni nəqliyyat marşrutlarından biri olacaq Ağdam–Xankəndi dəmir yolu xəttinin bərpası davam edir.
Azərbaycan Dəmir Yolları QSC-nin yaydığı məlumata görə, dəmir yolu xətti üzrə layihələndirmə işlərinin 90 faizi, tikinti işlərinin isə 48 faizi başa çatıb.
Ümumi uzunluğu 30,8 kilometr olan xətt boyunca 6 körpü, 5 avtomobil alt keçidi, 2 piyada keçidi və 47 ehtiyat keçid də daxil olmaqla, ümumilikdə 130 mühəndis qurğusunun inşası nəzərdə tutulur.
Ağdam–Xankəndi dəmir yolu xətti üzrə inşa olunacaq Əsgəran və Xocalı stansiyalarının konsept layihələri artıq tamamlanıb. Xankəndi Dəmir Yolu və Avtovağzal Kompleksində isə tikinti işləri sürətlə davam etdirilir.
