2026–2027-ci tədris ili üzrə məktəbəhazırlıq qruplarına qeydiyyat çərçivəsində Azərbaycan bölməsi üzrə məktəb seçimi mərhələsinə start verilir.
Məktəbəqədər və Ümumi Təhsil üzrə Dövlət Agentliyinin (MÜTDA) məlumatına görə, valideynlər 21 iyul saat 11:00-dan etibarən Bakı şəhəri istisna olmaqla, ölkənin digər şəhər və rayonlarında məktəb seçimini həyata keçirə biləcəklər.
Bakı şəhəri üzrə məktəb seçimi 21 iyul saat 15:00-da, tədrisi digər dillərdə aparılan bölmələr üzrə isə 22 iyul saat 11:00-da başlayacaq.
Qeydiyyat mektebeqebul.edu.az portalı vasitəsilə aparılır və 14 sentyabr saat 18:00-dək davam edəcək.
