Lənkəranda bankomatdan pul çıxarmaqda çətinlik çəkən təqaüdçüləri aldatmaqla onların vəsaitlərini ələ keçirən 44 yaşlı, əvvəllər məhkum olunmuş Ruhid Əliyev saxlanılıb.
Lənkəran Şəhər Rayon Polis Şöbəsinin əməkdaşlarının keçirdiyi tədbirlər nəticəsində müəyyən edilib ki, o, bankomatdan pul çıxarmaq üçün kömək təklif edərək zərərçəkənlərin bank kartlarındakı vəsaiti mənimsəyib.
Araşdırmalar zamanı Ruhid Əliyevin bu üsulla ümumilikdə 7 nəfərin pulunu oğurladığı məlum olub.
Faktlarla bağlı cinayət işi başlanılıb. Məhkəmənin qərarı ilə R.Əliyev barəsində həbs qətimkan tədbiri seçilib.
