Bakıda aparılacaq təmir işləri ilə əlaqədar iyulun 13-ü saat 07:00-dək üç küçədə nəqliyyat vasitələrinin hərəkəti mərhələli şəkildə tam məhdudlaşdırılacaq.
AAYDA-nın məlumatına görə, məhdudiyyət Səməd Vurğun küçəsi (Füzuli küçəsindən A.A.Bakıxanov küçəsinədək), Nazim Hikmət küçəsi (H.B.Zərdabi və Mətbuat prospektlərindən A.M.Şərifzadə küçəsinədək) və Sənan Abdullayev küçəsində (“Baksol” yolu, Z.Bünyadov prospektindən S.Abdullayev küçəsi, döngə 1-dək) tətbiq olunacaq.
Sürücülərə alternativ yollardan istifadə etmələri tövsiyə olunur.
