Avqustun 7-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir.
Milli Hidrometeorologiya Xidmətinin məlumatına görə, arabir güclənən şimal-qərb küləyi günün ikinci yarısında şimal-şərq küləyi ilə əvəz olunacaq.
Bakıda havanın temperaturu gecə 22–25°, gündüz 30–34° isti olacaq. Atmosfer təzyiqi 759 mm civə sütunu, nisbi rütubət isə gecə 70–80%, gündüz 50–55% təşkil edəcək.
Rayonlarda da əsasən yağmursuz hava müşahidə olunacaq. Lakin gündüz saatlarında bəzi dağlıq ərazilərdə qısamüddətli leysan xarakterli yağış yağacağı, şimşək çaxacağı ehtimal edilir. Gecə və səhər bəzi dağlıq ərazilərdə arabir duman olacaq.
Havanın temperaturu rayonlarda gecə 22–26°, gündüz 34–39°, dağlıq ərazilərdə isə gecə 15–20°, gündüz 23–28° isti olacaq.
