Rusiya Silahlı Qüvvələrinin Zaporojye vilayətinə endirdiyi zərbələr nəticəsində 1 nəfər həlak olub, 37 nəfər yaralanıb.
Vilayət Hərbi Administrasiyasının rəhbəri İvan Fyodorovun sözlərinə görə, son sutka ərzində Zaporojyenin 49 yaşayış məntəqəsinə ümumilikdə 1083 zərbə endirilib.
Bildirilib ki, hücumların böyük hissəsi pilotsuz uçuş aparatları (PUA) vasitəsilə həyata keçirilib.
Hücumlar nəticəsində infrastruktur obyektlərinə, yaşayış evlərinə və avtomobillərə ziyan dəyib. Bununla bağlı 298 fakt qeydə alınıb.
