İranın Ali Rəhbəri Müctəba Xameneinin Vladimir Putinə ünvanladığı məktub Rusiya Prezidentinə çatdırılıb.
Bu barədə Rusiyada səfərdə olan İran Ali Milli Təhlükəsizlik Şurasının katibi Möhsün Rezai Putinlə görüşdən sonra jurnalistlərə açıqlamasında bildirib.
“Regionun mühüm məsələləri barədə Putinlə məsləhətləşmələr aparılıb. Ali Rəhbər onun mesajını ən qısa zamanda Putinə təqdim etməyimi istəyirdi. Rusiya Prezidenti isti və səmimi salamlarını Ali Rəhbərə çatdırıb”, – deyə Rezai bildirib.
Onun sözlərinə görə, görüşdə müharibədən sonrakı dövr və regionda təhlükəsizlik məsələləri müzakirə olunub.
Müctəba Xameneinin Vladimir Putinə ünvanladığı məktubun təfərrüatları açıqlanmayıb.
