Pakistanın Xayber-Paxtunxva əyalətinin Kohat şəhərində məscid yaxınlığında baş verən partlayış nəticəsində azı 21 nəfər ölüb, 103 nəfər yaralanıb.
Tibb işçilərinin məlumatına görə, ölənlərdən 15-i polis əməkdaşıdır. Hadisə “Police Lines” kompleksinin ərazisində, cümə namazı zamanı baş verib.
Məlumata görə, partlayışı kamikadze törədib. Hüquq-mühafizə orqanlarının əməkdaşları hadisə ilə bağlı 6 cinayətkarı zərərsizləşdirib. Pakistan hakimiyyəti partlayışı terror aktı kimi qiymətləndirib.
Partlayış nəticəsində məscidin xarici hissəsi ciddi zədələnib və divarlardan biri uçub. Hadisə yerində xilasetmə işləri davam edir. Kohat dairə xəstəxanasında fövqəladə vəziyyət rejimi elan olunub.
