Səudiyyə Ərəbistanında Məkkə şəhərindəki Məscidül-Haram ərazisində ictimai etikaya zidd hərəkətlər törətməkdə ittiham olunan iki Banqladeş vətəndaşı edam edilib.
Səudiyyə Ərəbistanının Daxili İşlər Nazirliyinin yaydığı rəsmi bəyanatda edam olunan şəxslərin Nuzurulislam Əbdülbasiri və Seti Ahter olduğu bildirilib. Onlar müqəddəs məkanın toxunulmazlığını və mənəvi dəyərlərini pozmaqda ittiham ediliblər.
Məlumata görə, hadisədən sonra təhlükəsizlik qüvvələri tərəfindən saxlanılan şəxslərlə bağlı istintaq və məhkəmə prosesi başa çatıb. Məhkəmənin yekun qərarı və ali təsdiqdən sonra ölüm hökmü icra olunub.
Yayılan görüntülərdə şəxslərin qılıncla edam edildiyi görünür.
