Bakıda və Abşeron yarımadasında, eləcə də Azərbaycanın bir sıra rayonlarında avqustun 15-də güclü külək əsəcəyi gözlənilir.
Milli Hidrometeorologiya Xidməti bununla bağlı sarı xəbərdarlıq yayıb.
Bakıda və Abşeron yarımadasında şimal-qərb, Naxçıvan Muxtar Respublikası və bir sıra rayonlarda isə şərq küləyi əsəcək. Küləyin sürətinin 13,9-20,7 m/san təşkil edəcəyi proqnozlaşdırılır.
Güclü küləyin Naxçıvan MR, Cəbrayıl, Zəngilan, Füzuli, Mingəçevir, Cəlilabad, Biləsuvar, Goranboy, Naftalan, Beyləqan, Şirvan, Salyan, Qobustan, İmişli, Saatlı, Sabirabad, Neftçala, Hacıqabul, Xaçmaz, Siyəzən, Şabran, Quba, Xızı və Qusar rayonlarında müşahidə olunacağı bildirilir.
