Türkiyənin Ankara, İstanbul və Mersin şəhərlərində keçirilən antiterror əməliyyatları nəticəsində İŞİD terror qruplaşması ilə əlaqədə şübhəli bilinən 21 nəfər saxlanılıb.
“TRT Haber”in məlumatına görə, Ankarada İŞİD-i maliyyələşdirməkdə şübhəli bilinən 16 nəfərə qarşı əməliyyat keçirilib. Onlardan 14-ü saxlanılıb.
İstanbul və Mersində keçirilən əməliyyatlar zamanı isə terror qruplaşmasını maliyyələşdirməkdə şübhəli bilinən daha 7 nəfər saxlanılıb.
