Moskva və Moskva vilayəti sentyabrın 20-nə keçən gecə kütləvi PUA hücumuna məruz qalıb.
Moskva meri Sergey Sobyaninin sözlərinə görə, hücum zamanı Moskva Neft Emalı Zavodunun ərazisindəki obyektlərdən biri zədələnib. Hadisə yerində təcili xidmətlər çalışıb, şəhərdə zərərçəkənlərin olmadığı bildirilib.
Reuters-in məlumatına görə, Rusiya rəsmiləri hücum zamanı 1 600-dən çox PUA-nın məhv edildiyini, onlardan təxminən 450-nin Moskvanı hədəf aldığını bildiriblər. Moskva vilayətində iki nəfərin öldüyü barədə də məlumat verilib.
Rusiya rəsmiləri hücumun Ukrayna tərəfindən həyata keçirildiyini bildiriblər. Ukrayna tərəfi isə hadisə ilə bağlı rəsmi açıqlama verməyib.
