İranda İsrailin “Mossad” kəşfiyyat xidməti ilə əməkdaşlıqda təqsirləndirilən Əmid Behzad və Puriya Səfut barəsində çıxarılmış edam hökmü icra olunub.
İran tərəfinin iddiasına görə, məhkumlar ölkə ərazisindəki hərbi və təhlükəsizlik obyektlərinin koordinatlarını, fotolarını və digər məlumatları xarici kuratorlarına ötürüblər.
Məlumata əsasən, Əmid Behzadın mobil telefonuna baxış zamanı onun polis, hərbi və təhlükəsizlik obyektlərinin dislokasiyası ilə bağlı məlumatlar yaydığı müəyyən edilib.
İran hakimiyyəti iddia edir ki, Puriya Səfut isə hərbi obyektlərin koordinatlarını və digər məlumatları İrana müxalif mövqeyi ilə tanınan “Iran International” televiziya kanalına göndərib.
