Ukrayna Prezidenti Volodimir Zelenski Moskva vilayətinə endirilən zərbələr zamanı Ukraynanın istehsalı olan “Flamingo” raketindən istifadə edildiyini bildirib.
Zelenskinin sözlərinə görə, əməliyyat zamanı Rusiyanın neft sənayesi və logistika sahəsindəki obyektləri hədəfə alınıb. O, zərbələr zamanı “Flamingo”, FP-1, RZ-100, “Palyanitsa”, “Lyutıy”, “Pelican” və digər PUA və raket sistemlərindən istifadə edildiyini açıqlayıb.
Ukrayna prezidenti bildirib ki, hədəfə alınan obyektlər Rusiyanın hərbi fəaliyyətini maliyyələşdirən milyardlarla dollarlıq gəlir gətirir.
Qeyd edək ki, sentyabrın 20-nə keçən gecə Moskva və Moskva vilayətinə genişmiqyaslı PUA hücumu həyata keçirilib. Moskva meri Sergey Sobyaninin sözlərinə görə, hücum zamanı Moskva Neft Emalı Zavodunun ərazisindəki obyektlərdən biri zədələnib.
