Milli Hidrometeorologiya Xidməti iyulun 22-nə gözlənilən hava şəraitini açıqlayıb.
Bakıda və Abşeron yarımadasında hava əsasən yağmursuz keçəcək. Şimal-qərb küləyi gündüz cənub-şərq küləyi ilə əvəz olunacaq.
Paytaxtda havanın temperaturu gecə 22-25, gündüz 30-34 dərəcə isti olacaq.
Rayonlarda da əsasən yağmursuz hava şəraiti gözlənilir. Lakin gündüz saatlarında bəzi dağlıq ərazilərdə lokal qısamüddətli yağış yağacağı, şimşək çaxacağı və dolu düşəcəyi ehtimal olunur. Bəzi dağlıq ərazilərdə arabir duman müşahidə ediləcək.
Rayonlarda havanın temperaturu gecə 22-26, gündüz 33-38 dərəcə isti, dağlıq ərazilərdə isə gecə 13-18, gündüz 24-29 dərəcə isti təşkil edəcək.
