İran parlamentinin Milli Təhlükəsizlik Komissiyasının sədri İbrahim Əzizi ölkəsinə qarşı atılan addımların cavabsız qalmayacağını bildirib.
Onun sözlərinə görə, İrana edilən hər bir hücumun nəticəsi olub və Tehran bu dəfə də cavab verəcək. Əzizi ABŞ və İsraillə yanaşı, Ukraynanın da bunu tezliklə anlayacağını deyib.
Bundan əvvəl İranın xarici işlər naziri Abbas Əraqçi də Ukraynanın İranın ticarət gəmisinə hücumunun cavabsız qalmayacağını bəyan etmişdi.
Xatırladaq ki, iyulun 25-də İranın Xəzər dənizindəki ticarət gəmisinə hücum edilib. Ukrayna Prezidenti Volodimir Zelenski gəminin Rusiyaya hərbi yük daşıdığını iddia edib.
