Masallıda çayda ağır xəsarət alan Cəlilabad sakini xəstəxanada vəfat edib.
Hadisə bir neçə gün əvvəl Masallı rayonu ərazisində yerləşən çayda baş verib. Cəlilabad rayonunun Göytəpə şəhər sakini, 2003-cü il təvəllüdlü Coşqun Quliyev çimmək məqsədilə çaya tullanan zaman boyun nahiyəsindən ağır xəsarət alıb.
O, paytaxtdakı xəstəxanalardan birində 10 gün müalicə olunsa da, həyatını xilas etmək mümkün olmayıb.
Faktla bağlı araşdırma aparılır.
