Daxili İşlər Nazirliyi (DİN) Bakı şəhərində yerləşən müvafiq qurumlarında vakant olan inspektor-tərcüməçi vəzifələri üzrə müsabiqə elan edib.
Müsabiqədə dövlət ali təhsil müəssisələrini bitirən, 20–30 yaş aralığında olan, həqiqi hərbi xidmətini başa vurmuş (qadınlar istisna olmaqla), xarici dil bilən Azərbaycan vətəndaşları iştirak edə bilərlər.
Namizədlərdən yazılı və şifahi tərcümə, hüquqi sənədlərlə, terminologiya və lüğətlərlə işləmək bacarığı tələb olunur. Bundan əlavə, namizədlər Bakı şəhərində qeydiyyatda olmalı və burada yaşamalıdırlar.
Namizədlərin sağlamlıq vəziyyəti və bilik səviyyəsi müəyyən edilmiş normativlər əsasında yoxlanılacaq. Tərcüməçi kimi iş təcrübəsi olan şəxslərə üstünlük veriləcək.
Namizədlər 20 avqust–20 oktyabr 2026-cı il tarixləri arasında DİN-in rəsmi internet saytında yerləşdirilən elektron ərizə formasını və qısa anket məlumatlarını [email protected] elektron poçt ünvanına göndərməlidirlər.
Müsabiqənin şərtləri və digər ətraflı məlumat DİN-in rəsmi internet saytında yerləşdirilib.
