Fövqəladə Hallar Nazirliyi iyulun 27-28-də gözlənilən güclü küləklə əlaqədar əhaliyə təhlükəsizlik qaydalarına ciddi əməl etməyə çağırıb.
Nazirlik bildirib ki, küləkli hava şəraitində dənizə girmək həyati təhlükə yaradır. Kiçikhəcmli gəmi istifadəçilərinə də dənizə çıxmağın qadağan olduğu xatırladılıb.
FHN həmçinin isti və quru hava şəraitində yanğın təhlükəsizliyi qaydalarına ciddi əməl olunmasını, yüngül konstruksiyalı tikililərdən, reklam lövhələrindən, elektrik dirəkləri, naqillər və hündür ağacların yaxınlığından uzaq durmağı tövsiyə edib.
“Unutmayın: Qaydalara biganəlik həyatımıza təhlükədir! Təhlükə zamanı 112-yə zəng edin!”, – deyə müraciətdə vurğulanıb.
