Daxili İşlər Nazirliyinin Nəqliyyatı İntellektual İdarəetmə Mərkəzi sürücülərə xəbərdarlıq edib.
Paytaxtın Nizami rayonu, Heydər Əliyev prospektində yolun hərəkət hissəsində dayanmış avtomobilə digər nəqliyyat vasitəsinin çırpılması müşahidə kameraları vasitəsilə qeydə alınıb.
Nazirlik bildirir ki, nasazlıq və ya digər səbəbdən məcburi dayanma zamanı yalnız qəza işıq siqnalını yandırmaq kifayət deyil. Belə halda avtomobildən ən azı 30 metr məsafədə qəza dayanma nişanı da quraşdırılmalıdır.
Həmçinin digər sürücülərdən yollarda diqqətli olmaları və sürət həddinə əməl etmələri xahiş olunur.
