3 oktyabr Türk Dövlətlərinin Əməkdaşlıq Günü kimi qeyd olunur.
Azərbaycan Xarici İşlər Nazirliyi bununla bağlı “X” sosial şəbəkə hesabında paylaşım edib. Paylaşımda bildirilib ki, Naxçıvan Sazişi ilə əsası qoyulan Türk Dövlətləri Təşkilatı ortaq kök, dil, tarix və mədəni dəyərlərlə bir-birinə bağlı olan türk dövlətləri arasında həmrəyliyin və strateji tərəfdaşlığın rəmzidir.
XİN qeyd edib ki, Azərbaycan qardaş türk dövlətləri ilə birlikdə Türk dünyasının birliyinin möhkəmləndirilməsinə, əməkdaşlığın genişləndirilməsinə və ortaq gələcəyin daha da gücləndirilməsinə sadiqdir.
Nazirliyin paylaşımında vurğulanıb ki, Türk Dövlətlərinin Əməkdaşlıq Günü türk dövlətləri arasında həmrəyliyin və əməkdaşlığın əhəmiyyətini bir daha diqqətə çatdırır.
“Birliyimiz gücümüz, həmrəyliyimiz gələcəyimizdir!”, – deyə XİN bildirib.
