Milli Hidrometeorologiya Xidməti Bakıda və ölkənin bəzi bölgələrində gözlənilən güclü istilərlə bağlı xəbərdarlıq yayıb.
Məlumata görə, iyulun 25-26-da Bakıda və Abşeron yarımadasında havanın maksimal temperaturu 35-38 dərəcə, bəzi ərazilərdə isə 40 dərəcəyə yaxın olacaq.
Azərbaycanın bəzi rayonlarında isə iyulun 25-29-da havanın maksimal temperaturunun 35-40 dərəcə, Mərkəzi Aran və Naxçıvan Muxtar Respublikasının bəzi yerlərində isə 41 dərəcəyədək yüksələcəyi proqnozlaşdırılır.
