Bakıda yaşıllıqlara mövsümi qulluq və təhlükəsizlik tədbirləri çərçivəsində işlər görülür.
Paytaxtda güclü küləyə qarşı ağaclarla bağlı qabaqlayıcı tədbirlər görülür
Bakı Şəhər Yaşıllaşdırma Təsərrüfatı Birliyi paytaxtın müxtəlif ərazilərində yaşıllıqlara mövsümi qulluq və qabaqlayıcı təhlükəsizlik tədbirləri həyata keçirir.
Şəhərin müxtəlif ərazilərində aparılan monitorinqlər zamanı qurumuş və zədələnmiş, həmçinin güclü külək zamanı aşma və ya budaqlarının qırılması nəticəsində insanlar, nəqliyyat vasitələri və digər obyektlər üçün təhlükə yarada biləcək ağaclar müəyyən edilir.
Müvafiq dövlət qurumunun rəyi əsasında təhlükə yaradan qurumuş ağaclar götürülür, qurumuş və zədələnmiş, eləcə də təhlükə yarada biləcək budaqlar budanır.
Tədbirlərin əsas məqsədi güclü külək zamanı yarana biləcək fəsadların qarşısını almaq, vətəndaşların və nəqliyyat vasitələrinin təhlükəsizliyini təmin etmək, həmçinin şəhərin yaşıllıq fondunu sağlam və dayanıqlı vəziyyətdə saxlamaqdır.
