Azərbaycanın yeniyetmə cüdoçusu Fərid Rzazadə dünya çempionu olub.
Ekvadorun Quayakil şəhərində keçirilən yeniyetmələr arasında dünya çempionatının ilk günündə 50 kiloqram çəki dərəcəsində mübarizə aparan cüdoçu qızıl medal qazanıb.
Fərid Rzazadə finala gedən yolda Türkiyədən Süleyman Doğrunu, Qazaxıstandan Bekaris Kudaybergeni və Braziliyadan Artur Bonatonu məğlub edib.
Həlledici görüşdə isə qazaxıstanlı Adiljan Nurbekeyə qalib gələn Azərbaycan cüdoçusu dünya çempionatının qızıl medalına sahib olub.
Qeyd edək ki, bu gün Azərbaycanın daha 3 yeniyetmə cüdoçusu dünya çempionatında tatamiyə çıxacaq.
