Azərbaycanla Özbəkistan arasında turizm və mədəniyyət sahələrində əməkdaşlığa dair sazişlər təsdiq edilib.
Prezident İlham Əliyev bununla bağlı müvafiq fərmanlar imzalayıb.
Fərmanlara əsasən, Azərbaycan və Özbəkistan hökumətləri arasında turizm sahəsində əməkdaşlıq haqqında, eləcə də mədəniyyət sahəsində əməkdaşlıq haqqında sazişlər təsdiqlənib.
Sənədlərə əsasən, Xarici İşlər Nazirliyinə sazişlərin qüvvəyə minməsi üçün zəruri dövlətdaxili prosedurların yerinə yetirildiyi barədə Özbəkistan hökumətinə bildiriş göndərmək tapşırılıb.
